پۆلیسی فه‌ره‌نسی كاژێره‌ دزراوه‌كه‌ی رافایل نادالی تێنسزانی ئیسپانی دۆزییه‌وه‌ كه‌ بایی 300 هه‌زار یۆرۆیه‌ و له‌ ژووری مانه‌وه‌ی ئه‌و له‌ هوتێلێكی شاری پاریس له‌ هه‌فته‌ی رابردوودا لێی دزرابوو له‌ كاتی به‌شداریكردنی له‌ پاڵه‌وانیه‌تیی رۆلان گارۆس كه‌ هه‌ر خۆی نازناوه‌كه‌ی به‌ده‌ست هێنا.
سه‌رچاوه‌كان گوتیان پۆلیس توانیویه‌تی ئه‌و دزه‌ گۆمانلێكراوه‌ ده‌ستگیر بكات كه‌ كاژێره‌ گرانبه‌هاكه‌ی دزیبوو و گوتی ئه‌وه‌ی بووه‌ته‌ هۆی ئاسانكاری بۆ دزینی كاژێره‌كه‌ ئه‌و كارته‌یه‌ كه‌ ده‌رگای ژووره‌كه‌ی نادالی پێده‌كرێته‌وه‌.
نادال سوپاسی پۆلیسی فه‌ره‌نسی كرد و گوتی سكاڵام له‌سه‌ر هیچ كه‌سێك نییه‌.
پۆلیسی فه‌ره‌نسی ئاشكرای كرد كارمه‌ندێكی هوتێله‌كه‌ كه‌ له‌نهۆمی هه‌شته‌می تایبه‌ت به‌ كه‌سایه‌تییه‌كان كارده‌كات، گومانلێكراوی سه‌ره‌كی بووه‌ و دوای ده‌ستگیركردن و لێكۆڵینه‌وه‌ له‌گه‌ڵیدا دانی به‌وه‌داناوه‌ كه‌ چووه‌ته‌ ژووره‌كه‌ی نادال و كاژێره‌كه‌ی بردووه‌ و شاردوویه‌تییه‌وه‌.
پۆلیس كاژێره‌كه‌ی به‌ده‌ستهێنایه‌وه‌ و گێرِایه‌وه‌ بۆ ئه‌و كۆمپانیایه‌ی كه‌ به‌مه‌به‌ستی نمایشكردن به‌ شێوه‌یه‌كی كاتی دابوویه‌ نادال.