رادیۆی كادینا سێر كە جێگای متمانەیە لەوڵاتی ئیسپانیا ڕایگەیاند یانەی ڕیال مەدرید بۆندێكی فەرمی لەلایەن یانەی بایرەن میونیخی ئەڵمانی پێگەیشتووە بەئامانجی كڕینەوەی یاریزانی توركی نوری شاهین، بەپێی هەواڵی ڕادیۆكە داواكەی یانەی بایرەن میونیخ لەڕێگای سەرۆكی یانەوە كارل هاینز ڕۆمەنیگەوە هاتووە، بەڵام ئەوەی ئاشكرا نەكردووە كە یانەكەی هەرێمی باڤاریا چ بڕە پارەیەكی تەرخانكردووە بۆ ڕاكێشانی شاهین بۆ یاریگای ئەلیانز ئەرینا.
یاریزان نوری شاهین نەیتوانی خۆی لەپێكهاتەی سەرەكی یانەی ڕیال مەدرید بسەلمێنێت بەهۆی پێكانی بەردەوام و ئاست بەرزی هەردوو یاریزان سامی خزێرە و زاڤی ئەلۆنزۆ، هەر ئەوەش بووە هۆی ئەوەی لەیەكەم وەرزیدا لەیانەی شاهانە لەڕیزی یاریزانە یەدەگەكان بێت، ڕادیۆكە ئەوەشی ڕاگەیاند كە یانەی ڕیال مەدرید نرخی نوری شاهین بەبڕی 18 ملیۆن یۆرۆ خەملاندووە.