یەكێتی تۆپی پێی ئاسیا بەفەرمی خەڵاتەكانی خاوەن پلەی یەكەم و دووەمی جامی یەكێتی ئاسیای بۆ ئەمساڵ ئاشكرا كرد، كە تیایدا خاوەن پلەی یەكەمی ئەم پاڵەوانێتیە بڕی 350 هەزار دۆلار وەردەگرێت و خاوەن پلەی دووەم بڕی 250 هەزار دۆلار وەردەگرێت، بەڵام یەكێتی تۆپی پێی ئاسیا خەڵاتەكانی تری ئاشكرا نەكرد وەكو گەیشتن بۆ قۆناغی هەشت و چوارگۆشەی زێڕین و قۆناغی 16-ی ئەم پاڵەوانێتیە.
لەهەمان كاتدا یەكێتی تۆپی پێی ئاسیا بەفەرمی ئەوەی ڕاگەیاند، كە هەر یانەیەك دەتوانێت سێ یاریزانی پیشەگەر و یاریزانێكی كێشوەری ئاسیا لەتیپەكانیان یاری بكات لەم پاڵەوانێتیەدا.
جێگەی باسە لەوەرزی ئەمساڵدا هەردوو یانەی هەولێر و زەورا بەشداری لەجامی یەكێتی ئاسیا دەكەن و یارییەكان لە6ی ئادار دەست پێدەكات و 32 یانە لەكیشوەری ئاسیا بەشداری لەم پاڵەوانێتیە دەكات.