باستیان شڤانشتایگه‌ری یاریزانی یانه‌ی بایرن میونشنی ئه‌ڵمانی گوتی بردنه‌وه‌ له‌ یانه‌ی به‌رشه‌لۆنه‌ ئێمه‌ ده‌كاته‌ باشترینی جیهان.

باستیان په‌سنی تواناكانی یانه‌ی به‌رشه‌لۆنه‌ی كرد و گوتی ئه‌و یانه‌یه‌ ئێستا باشترین یانه‌ی جیهانه‌ و شێوازێكی یاریكردنی زۆر نایابی هه‌یه‌ كه‌ بردنه‌وه‌ لێی شتێكی ئاسان نییه‌.

شڤاینی گوتی بردنه‌وه‌ له‌ به‌رشه‌لۆنه‌ واته‌ تۆ له‌و باشتری و باشتربوون له‌ به‌رشه‌لۆنه‌ واته‌ به‌ده‌ستهێنانی یه‌كه‌می له‌سه‌ر ئاستی جیهان.

هه‌روه‌ها گوتی به‌رشه‌لۆنه‌ باشترینی جیهانه‌ و ئێمه‌ پێویستیمان به‌ بردنه‌وه‌ له‌وان هه‌یه‌ بۆئه‌وه‌ی ببینه‌ باشترین تیپی جیهان، به‌ڵام له‌پێشدا ده‌بێ هه‌ندێك گرێبه‌ست ئه‌نجام بده‌ین.

هه‌روه‌ها گوتی چاڤی و ئێنێستا دوو یاریزانی زۆر گه‌وره‌ن و له‌ باشترین تیپی جیهاندا یاری ده‌كه‌ن، بێگومان ئه‌گه‌ر بكه‌وینه‌ به‌رامبه‌ریان هه‌وڵ ده‌ده‌ین لێیان ببه‌ینه‌وه‌.