ئێزگه‌ی بی بی سی به‌ریتانی ئاشكرای كرد له‌ كۆتایی ئه‌م هه‌فته‌یه‌دا سیسك فابریگاسی كاپتنی یانه‌ی ئه‌رسناڵیی ئینگلیزی په‌یوه‌ندی به‌ یانه‌ی به‌رشه‌لۆنه‌ی ئیسپانییه‌وه‌ ده‌كات.

ئێزگه‌ به‌ریتانییه‌كه‌ له‌ سه‌رچاوه‌یه‌كی نزیك له‌ یانه‌ له‌نده‌نییه‌كه‌ی گواسته‌وه‌ كه‌ كێشه‌كانی نێوان هه‌ردوو یانه‌ بۆ گواستنه‌وه‌ی فابریگاس كۆتاییان هاتووه‌ و به‌ر له‌ كۆتایی هه‌فته‌ رێكه‌وتنه‌كه‌ ئاشكرا ده‌كرێت.

به‌پێی بی بی سی یانه‌ی به‌رشه‌لۆنه‌ رازی بووه‌ برِی 30 ملیۆن پاوه‌ند بداته‌ یانه‌ ئه‌رسناڵ له‌گه‌ڵ 5 ملیۆنی زیاده‌ به‌ شێوه‌ی قیست و فابریگاسیش ناچار بووه‌ له‌ برِی 4 ملیۆن یۆرۆی مووچه‌ی خۆی خۆش بێت بۆ ته‌واوكردنی گواستنه‌وه‌ی ئه‌و یاریزانه‌.