لە پیشانگای ساڵانەی CES 2018دا كۆمپانیای هۆندای ژاپۆنی، یەكێك بوو لە پێشەنگانی پیشانگا. چەند ساڵێكە كۆمپانیای ناوبراو تەنیا ئەركی خۆی بە بەرهەمهێنانی ئۆتۆمبیل تەرخان نەكردووە، هەرچەندە بەیەكێك لە كۆمپانیا بەهێزەكانی بواری بەرهەمهێنانی ئۆتۆمبیل ناسراوە.. كۆمپانیای ناوبراو نیازی هەیە لە بوارەكانی دیكەی تەكنەلۆژیاشدا خۆی تاقی بكاتەوە.
هۆندا لە پیشانگای ئەمساڵی CESدا چوار رۆبۆتی خستەڕوو، كە بڕیار وایە لە ساڵەكانی داهاتوودا دروست بكرێن ئەمانەی لە پیشانگا نیشاندران تەنیا نموونەیەك بوون...
رۆبۆتی جۆری 3E-D18:
رۆبۆتی 3E-D18 رۆبۆتێكی جوڵەدار بە توانای جوڵەی ئۆتۆماتیك و هۆشی دەستكرد.. رۆبۆتەكە وەك تانكێكی بچووك دەچێت، زۆر ئەركی گرنگ ئەنجام دەدا، تەنانەت ئەركی وا كە بیرناكەیەوە ئەم رۆبۆتە بچووكە لە توانای دابێت، رۆبۆتەكە دەچێتە ئەو شوێنانەی زۆر دژوار و ئەستەمن وەك هەوراز و لێژاییە ئەستەمەكان.. هەم بۆ كاری نیزامی و هەم بۆ رزگاركردنی كەسەكان لە كارەسات و نەهامەتییەكان، وەك بومەلەرزە، بوردمان و كەوتنە ناو قوڵایی سوودی لێوەردەگیرێت.. هەر چوار تایەكەی دەجوڵێت و لە رێگای دوورەوە كۆنترۆڵ دەكرێت.
رۆبۆتی جۆری E3-C18:
رۆبۆتی E3-C18 وەك رۆبۆتی D ناچێت و بۆ ئەركە دژوارەكان سوودی لێوەرناگیرێت. ئەركی سەرەكی رۆبۆتەكە پەیوەندی بە ماڵەوە و دەوروبەری ماڵەوە هەیە. جگە لەوەی دەتوانێت كەلوپەلەكان بگوازێتەوە، هەروەها وەك عارەبانەیەكی خواردنی گەڕۆك سوودی لێوەردەگیرێ. رۆبۆتی ناوبراوو دەتوانێت كردار و جوڵەی مرۆڤەكانی دەوروبەیشی فێر بێت و پاشان بەشێوەی ئۆتۆماتیكی ئەنجامی بداتەوە. ئەم رۆبۆتە شاشەیەكی لەپێشەوەو لە پشتەوە هەیە، لە شاشەكەی پێشەوەدا جگە لە سڵاوكردن، وێنەی ئیمۆجیش نیشان دەدات.
رۆبۆتی جۆری E3-B18:
رۆبۆتی E3-B18 بۆ سوود وەرگرتن لە فڕۆكەخانە و فرۆشگا و تێرمینال و شوێنە قەرەباڵغەكان سوودی لێدەبیندرێ، ئەركی رۆبۆتەكە وەك رۆبۆتەكانی پێشوو هەڵگرتنی كەلوپەلە، بەڵام بە جیاوازتر لەوانی دیكە، چونكە دەتوانێت مرۆڤیش هەڵبگرێت و هەربۆیە لە تێرمیناڵەكان بۆ هەڵگرتنی منداڵ و پەككەوتەكان سوودی لێوەردەگیرێت.
رۆبۆتی ناوبراو دەتوانێت بە شوێنە هەرە تەنگەبەرەكانیشدا بڕۆن و ئۆتۆماتیكی شوێنی مەبەستی خۆیان پێدەزانن و دەتوانێت لەكاتی پێویستدا بۆ ئەوە گرفت نەیەتە پێش بوەستن..
رۆبۆتی جۆری E3-A18:
رۆبۆتی هۆندای جۆری E3-A18 وەك رۆبۆتەكانی دیكە نییە، ئەو هیچ ئەركێكی جەستەیی ئەنجام نادات، واتە نە كەلوپەل رادەگوێزێت و نە بە شوێنە تەنگەبەرەكاندا دەچێت و نە مرۆڤەكان لە نەهامەتییەكان رزگار دەكات، بەڵكو ئەركی رۆبۆتەكە یارمەتیدانی دەروونی بەكارهێنەرانیەتی، هاوكاری كردن و رێنوێنی كردنی بەكارهێنەرانە.. شوێنی ئەم رۆبۆتە زیاتر شوێنە بازرگانییەكان و فڕۆكەخانەكان و تێرمێناڵە گەورەكانە...
یارمەتی گەشتیاران دەدات شوێنی مەبەستی خۆیان بدۆزنەوە، ئەو پرسیارانەی كڕیاران لە شوێنە بازرگانییەكان هەیانە دەتوانن لەو رۆبۆتەی بپرسن و رێنوێنیان دەكات. تەنیا ئامێرێكی ئاسایش نییە بگرە خۆی لەگەڵ وەزعیەتی رۆحی بەكارهێنەرانی دەگونجێنێ و پەیوەندیان لەگەڵ دادەمەزرێنێ.