لەم سەردەمەدا وێنەكێشان بە مۆبایل یان بە كامێرای دیجیتالی ئاسانترە لە هەناسە هەڵكێشان، لە یەك خولەكەدا دەیان وێنە بگرە.. بەڵام كێشەی ئەم سەردەمە ئەوەیە كە وێنەكان كەمتر دەچنە سەركاغەز و نەوەی ئێستا ئەلبۆمی نییە.. هەرچەندە بە بەراورد بە ساڵانی زوو شوردنەوەی وێنەكان و خستنە سەركاغەزیان زۆر ئاسانتر بووە، پرینتەرە تایبەتییەكان شوێنی تاقیگەی شوردنەوەی وێنەیان گرتۆتەوە..
ئامێری moto mods polaroid مۆبایلەكانتان دەكاتە پرینتەرێكی سەربەخۆ، هەروەك لە وێنەكە را دیارە وەك چوارچێوەیەك دەچێتە ناو مۆبایلەكەوە، وێنەكانی سەر مۆبایلەكە بە قەوارەی 2 لەسەر 3 ئینج چاپ دەكات..بەهۆی ئەو پرینتەرەوە بە ئاسانی وێنەكانی سەر تۆڕە كۆمەڵایەتییەكان وەك فەیسبوك، ئینستاگرام و گوگل فوتۆ چاپ دەكرێن..