شەكرە واتە دیابێت بۆتە نەخۆشییەكی جیهانی و یەكێكە لە نەخۆشییە بەربڵاوەكان، ئەم نەخۆشییە لەگەڵ نەخۆشی زەخت كە بە نەخۆشی كەمجوڵان دەناسرێن واتە بەهۆی كەم جوڵەیەوە سەریان هەڵداوە، هەڕەشەن لە تەندروستی مرۆڤەكان.
هەرچەندە تێستی گلوكۆ بە ئامێری بچووك ئەنجام دەدرێ و كارئاسانییەكی زۆر كراوە، بەڵام كاتێك مۆبایلیش بەرهەم هات هەوڵدرا ئامێرێكی تایبەت بە پێوانی گلوگز لە خوێندا بۆ مۆبایل بەرهەم بێت. ئامێری Dario blood glucose meter یەكێكە لەو ئامێرانە. كە زۆر بچووكە دەخرێتە شوێنی هیدفۆنی مۆبایلەوە و بە هۆی ئاپێكەوە گلۆكۆ خوێن دەستنیشان دەكات.