ئەگەر تەنیا سووكە ئاوڕێك بۆ دواوە بدەینەوە، دەماندی كاتژمێرە زەنگ دارەكان دەبا خۆت كاتت بۆ دیاریكردبا ئەویش بەو زەنگە ناخۆشەی لە خەوی هەڵدەستاندی.. كە مۆبایل گشتگیر بوو كاتژمێری هۆشیاركردنەوە هەستان لەخەو بازاڕیان لە كەمیدا..
لەم چەند ساڵەدا كاتژمێرەكانی ئاگاداركردنەوەش گۆڕانكارییان بەسەرداهات، كاتژمێری bonjour یەكێكە لەم كاتژمێرانە.. كە سەیری دەكەی وەك كاتژمێرێكی ئاسایی دەچێت، بەڵام سمارتە و تایبەتمەندییەكانی گەلێكن.. بۆ نموونە تۆ نیازت هەیە كاتژمێر 7 لە خەو هەستی بچی بۆ وەرزش كردن و كاتەكەت لەسەر 7 داناوەتەوە، بەڵام كاتژمێر 7 كەشوهەوا لەبار نییە و باران دەبارێت، كاتژمێری ناوبراو هەتا ئەوكاتەی بارانەكە دەیكاتەوە جەرەس لێنادا.. جگە لەوەش دەتوانی بە دەنگ پرسیاری لێبكەی كە كەش و هەوا چۆنە، هەلومەرجی رێگاوبانەكان چۆنە، قەرەباڵغی لە چ شوێنێكە.. باشترین رێگای گونجاو كوێیە.. سەرەڕای ئەمانەش دەتوانێت كۆنتڕۆڵی ئامێرە هۆشمەندەكانی ماڵەوەش بكات..