گوگڵ لاپتۆپی پیكسێل بهرههم دێنێت
كۆمپانیای گوگڵ بۆ ئهوانهی تهنانهت یهك رۆژیش سهریان له ئینتهرنێت دابێ ناوێكی نامۆ نییه، گوگڵ گهورهترین سایتی دۆزینهوه و به دواداگهڕانه، لهم دواییهدا كۆمپانیای ناوبراو ئهركهكانی ههر به سایتهكهیه و خزمهتگوزاری جیهانی مهجازی تهرخان نهكردووه، بهڵكو ههوڵیداوه ئۆتۆمبێلی بێ شۆفێر و چاویلكهی ئهنتهرنێت و لاپتۆپ بهرههم بێنێت، نوێترین لاپتۆپی گوگڵ ناوی Pixelه و تایبهتمهندییهكانی ئهوانهن:
شاشهكهی نزیكهی 13 ئینجه، كوالیتی نیشاندانی زۆر لهسهرێییهو و تهنانهت سهرووی فول ئیچ دیشه، شاشهكه تهواو لهمسییه، ههربۆیه لهگهڵ ویندۆز 8 بهتهواوی دهگونجێت، جگه لهوهش پرۆسیسهرێكی دووانهی Core i5ی ههیه، رامهكهی 4 گیگابایته و له بری هارد له میمۆری SSD به توانای 32 ههتا 64 گیگابایت سوود وهردهگرێت، ههرچهنده ئهوهنده شوێنه بۆ ههڵگرتنی داتاكان كهمه، ههربۆیه گوگڵ 1 ترابایت هاردی مهجازی له خزمهتگوزاريی گوگڵ درایڤدا بۆ ماوهی 3 ساڵ دهخاته خزمهت بهكارهێنهرانی.
لاپتۆپی پیكسیل سێ مایكرۆفۆنی لهسهره، یهكێكیان له ژێر تهختهی دوگمهكاندایه و ئهو دهنگی چرته چرتی ئهو دوگمانهی لهكاتی چاتكردندا دادهگیرێن لادهبات، كامێرای پیكسێل جۆری HDیه و لهگهڵ پادێكی شووشهیی. باتری لاپتۆپی ناوبراو ههتا 5 كاتژمێر شهحنهكهی دانابهزێت.