هیچ ماڵێك نییە كە تەلەڤزیۆنی نەبێت، ئەگەر بۆ مێژوویەكی 40 ساڵ لەمەوبەر بگەڕێینەوە دەبینین ئەوكات لەگەڕەكێكدا ماڵێك یان دوو دوو ماڵ خاوەنی تەلەڤزیۆنێكی ڕەش و سپی بچووك بوون، كەچی ئێستا گۆڕانكارییەكی بنەڕەتی بەسەر تەلەڤزیۆندا هاتووە، وەك تەلەڤزیۆنی پلاسما LCD، LED و لەم دواییەشدا تەلەڤزیۆنی OLED هاتۆتە بەرهەم. تەلەڤزیۆنی OLED بەمانای تەلەڤزیۆنێكی زۆر تەنك دێت وەك شووشەیەكی ڕوون كە ئەو دیویشی دیار بێت.
سامسۆنگ تەلەڤزیۆنێكی OLED كە قەبارەكەی 55 ئینجە بەرهەم هێناوە. تیڤیەكە كە بەES9500 ناسراوە، تەلەڤزیۆنێكی هۆشمەندە، بەدەنگی بەكارهێنەرەكەی كۆنترۆڵ دەكرێت. هەروەها دەكرێت بەئاماژەش فەرمانەكانی پێبدەی. جگە لەوەش تەلەڤزیۆنەكە بەهۆی تەكنۆلۆژیای Smart Dual View و بەسوود وەرگرتن لەچاویلكەی سێ ڕەهەندی دوو كەناڵ پێكەوە بەشێوەی دوو ڕەهەندی و سێ ڕەهەندی سەیر دەكرێن.