لەسەردەمی تەكنۆلۆژیای نوێدا ڕەنگە ئەوەندە بەئاسانی نەتوانی ڕاستییەكان بشاریەوە، ڕەنگە هەموومان ئەوەمان بۆ هاتبێتە پێش كاتێك پێوەندییەكمان بۆ دێت، بەهەر هۆیەك بێت لەگەڵ بەرامبەرەكەمان ڕاستگۆ نابین و دەڵێین، «ئێستا ئەوە لەسەركارم» یان «بڕوا بكە میوانم هەیە ناتوانم بێم» یان...یان..
كۆمپانیاكانی بەرهەمهێنی مۆبایل پرۆگرامێكی درۆپێویان بۆ سیستەمی ئەندرۆیدی مۆبایل بەرهەم هێناوە، بەهۆیەوە ڕاستی و دروستی بەرامبەرەكەت یان ئەو كەسەی لەگەڵت قسە دەكات دەردەكەوێ. پرۆگرامی Advanced Lie Detector Plus وەك كۆمپانیا بەرهەمهێنەرەكەی دەڵێت ئەركی ئەوەیە كە ڕاستی و دروستی قسەكان ساغكاتەوە. ئەو پرۆگرامە دەچێتە سەر مۆبایل و تەبلێت، وەك ئەو ئامێرە دەچێت كە لەكاری لێپرسینەوە لەگەڵ تۆمەتباراندا بەكاری دێنن. كەوایە لەمەولا ئاگاتان لەپێوەندییەكانتان بێت نەكا بەرامبەرەكەتان ئەو پرۆگرامەی دانابێت.