هەوڵدان بۆ ئەوەی كە ئامێرە كارەباییەكانی ماڵەوە لەڕێگای مۆبایلەوە كۆنترۆڵ بكرێن، لەلایەن چەندین كۆمپانیاوە بەردەوامە و هەرجارەی ئامێرێكی نوێ كە ببێتە هۆی ئەوەی كە مۆبایل كۆنترۆڵی ئامێرە كارەباییەكان بەدەستەوە بگرێ دێتە بەرهەم. دوایین بەرهەمی كۆمپانیای Belkin لەم بوارەدا دوو ئامێرن كە بەWemo ناسراون. ئامێری Wemo Home control پلاكێكی كارەبایە كە بۆ هەڵبوون و كوژاندنەوەی هەر چەشنە ئامێرێكی كارەبای ماڵەوە سوودی لێوەردەگیرێت.
ئامێری دووەم كە بەWemo motion sensor ناسراوە جوڵەی بەكارهێنەر هەست پێدەكا و كاتێك لەگەڵ ئامێرەكەی پێشوو كە ئاماژەمان پێدا كار دەكەن دەتوانن بەجوڵەكانی ئێوە لەماڵەوە ئەركەكان ئەنجام بدەن، هەربۆیە بەهۆی پرۆگرامێكی تایبەتەوە كە لەسەر مۆبایل دادەندرێت هەموو ئەركی ئامێرە كارەباییەكانی ماڵەوە لەڕێگای ئەو ئامێرانەوە ئەنجام دەدرێت، وەك كوژانەوەی گلۆپەكان، هەڵكردنی سپلیت، كوژانەوەی تەلەڤزیۆن و بەگشتی هەر ئامێرێكی كارەبایی ماڵەوە..