له‌ زانستی کۆنی پزیشکیی سه‌ره‌تاییدا، زۆر گرنگی به‌ چۆنیه‌تی خواردنه‌کان دراوه‌. بۆ نمونه‌ خواردنه‌کان گه‌رم بن یا سارد یان نێوان سارد و گه‌رم. هه‌ر له‌ زانستی کۆنی پزیشکیدا رێگه‌ به‌ خواردنی دوو جۆر خۆراکی سارد به‌ یه‌که‌وه‌ نادرێ و ئه‌مه‌یان به‌ هۆکارێكی درووستبوونی کێشه‌ی ته‌ندروستی زانراوه‌.
هه‌روه‌ها ئاماژه‌ به‌ ئه‌وه‌ دراوه‌ که‌ نابێت ئاوی سارد له‌دوای خواردنی گه‌رم بخورێته‌وه‌ چونکه‌ ئه‌مه‌ زۆر مه‌ترسیداره‌ و هۆكارێكه‌ بۆ هه‌وكردنێكی زۆر.
ئێستا پسپۆڕانی پزیشکی له‌ لێکۆڵینه‌وه‌کانیان هاوڕای زانستی کۆنی پزیشکین و ده‌ڵێن خواردنی هاوکاتی دوو خۆراکی سارد به‌ یه‌که‌وه‌ ده‌بێته‌ هۆکاری ، نه‌خۆشی قورگ، هه‌وکردنی گه‌ده‌، ئاله‌رجی، سازکردنی کێشه‌ی ریخۆڵه‌ و ژه‌هراوی کردنی خوێن و له‌ش.
هه‌ربۆیه‌ نابێ ئه‌م خواردنانه‌ هاوکات له‌گه‌ڵ یه‌ک بخۆرێن:-
1) سرکه‌ له‌گه‌ڵ برینج، ترشیات له‌گه‌ڵ برینج
2) ماست له‌گه‌ڵ ماسی
3) ماست له‌گه‌ڵ توور
4) گۆشتی مریشک له‌گه‌ڵ ماست
5) گۆشتی مریشک له‌گه‌ڵ ماسی
6) گۆشتی مریشک له‌گه‌ڵ شیر
7) کاڵه‌ک(گندۆره‌) له‌گه‌ڵ گۆشت
8) گندۆره‌ له‌گه‌ڵ هه‌نگووین


باسنیوز