هەندێ لە گیانداران یارمەتیدەری كاروباری رۆژانەی مرۆڤن، ئەوەی زیاتر باوە و بەرچاوە سەگەكانن، لە زۆربەی وڵاتانی رۆژئاوا و ئەوروپا سەگ بۆ كاری رۆژانە و پاراستن و پاسەوانی بەكاردەهێندرێت و تهنانهت وهک هاوڕێ و ئهندامی خێزان مامهڵهی لهگهڵ دهکهن.
سەگێك بە ناوی (میلۆ) كە تەمەنی دوو ساڵە و لە شاری مینسۆتا لەلایەن ژن و پیاوێكەوە بەخێو دەكرێت، لە درەنگانی شەوێكدا، ژوورێكی ئەو ماڵە گڕی تێبەر دەبێت، پیاو و ژنەكە لە قوولایی خەودا بوون، سەگەكە بە حەپین خاوەنەكەی هەڵدەستێنێت، وێڕای ئەوەی خاوەنەكەی چەندین جار سەگەی دوورخستۆتەوە، كەچی سەگەكە وازی نەهێناوە تا خاوەنەكەی لە جێگەی خەودا دەرهێناوە و بەرەو لای ئاگرەكەی بردووە، دواتر لەلایەن خاوەن سەگەكە و تیمی بەرگری شارستانییەوە ئاگرەكە كوژاندراوهتەوە.