زەردەخەنە و پێكەنین، لوتكەی جوانی كچان و خانمانە، هەندێ جار خەندەیەكی دەم و لێوت، دەتكاتە شۆخێكی سەرنج راكێش لە جوانیدا، چونكە پێكەنینت دەچێتە ناو دڵی كەسانی دیكەوە. رۆژانە ددانەكانت تووشی گۆڕینی رەنگ دەبن، بەهۆی خواردن و شتی دیكەوە، بۆ ئەوەی بتوانی پارێزگاری لە رەنگی سپیی ددانت بكەیت و وەك دەنكە كریستاڵ بریقەی بێت،، دەتوانی بە دوو تێكەڵەی جیاواز ددانەكانت هەردەم وەك بەفر سپی بن، ئەم دوو گیراوەیە بریتیین لە :
-گیراوەی فراولە
دانەیەك فراولە بهێنە، وردی بكە، پاشان لەگەڵ هەندێك خوێ تێكەڵی بكە، كە وەك تێكەڵەیەكی پەیتی لێدێت، دواتر بە فڵچە یان بە پەنچە لە ددانتی بخشێنە، ئەوەش بۆ ماوەیەك كە كەمتر نەبێ لە (5) خولەك. پاشان ددانت جوان بشۆ بە فڵچەیەكی دیكە، هەوڵیش بدە هەفتانە ئەو كارە دووبارە بكەیتەوە.
-گیراوەی رۆنی زەیتوون
رۆنی زەیتوون بهێنە، لەناو كوپێكی بچووكی دانێ، دواتر ددانت پاك بكەوە و ماوەیەك بوەستە تا هەندێك وشك دەبێتەوە، پاشان پارچەیەك پەموو بهێنە، پەمووكە لە رۆنی زەیتوونەكەی هەڵكێشە، ئینجا ئەو پەمووە بە بە ددانەكانت دابهێنە، بێجگە لەوەی رۆنەكە بەر ددانەكانت دەكەوێ، ئەم رۆنی زەیتوونە ددانەكانت پاك و سپی دەكاتەوە.