شێوەی هەر گیاندارێك جیاوازە لەگەڵ یەكێكی دیكەدا، ئەمەش وای كردووە كە یەكتر بناسنەوە و تەنانەت لەبەر چاوی مرۆڤیش جیا بكرێنەوە بۆ ناساندنەوەیان. هەر یەكەش شێوەیەكی جیاوازی هەیە، هەموومان شێوەی ماسی دەناسین، بەڵام ئەگەر سەیری ئەو ماسییە بكەی، بە ماسییەكی جیا لەگەڵ ماسی ئاسایی دادەنێی، بەهۆی ئەوەی جەستەی ئەو ماسییە روونە و ئەودیوی ماسییەكە لەناو جەستەیدا دیارە. ئەو ماسییە روونە لەلایەن هاووڵاتییەكی نیوزیلەندی بە ناوی (ستیورات فریسەر)ە راو كراوە، ئەوەش لە باكووری كەنداوی كاریكاری، پسپۆرانیش ئاماژە بۆ ئەو ماسییە دەكەن كە لە جۆری (سالپا ماگۆریە).
