پسپۆرانی بواری جوانی ئامۆژگاری خانمان دەكەن و دەڵێن : بەكارهێنانی بەروبوومی سرووشتی سوودی زیاترە لە بەكارهێنانی بۆیە و دەرمانی جوانكاری، زیاتریش پسپۆران جەخت لەسەر خواردن و بەكارهێنانی شیر و میوە و سەوزە دەكەنەوە. بەڵگەشیان لەم بارەیەوە ئەوەیە، شاژنی دێرینی میسر(كیلۆپاترا) بووە، كە شیری بۆ جوان كردنی جەستەی بەكارهێناوە. بۆیە دەڵێن بەكارهێنانی شیر پێستی خانمان جوانتر دەكات. سوودی شیر لەم چەند خاڵەدا دەردەكەوێت:
- كرانەوە و گەشاوەنەوەی خانەی پێست.
- نەرم كردنەوەی پێست.
- دژی چورچی و لۆچیە.
- پەڵە و گرێی لە پێستی رووخسار لادەبات.
- خانەكانی پێست هێور دەكاتەوە و هەستەوەر ناهێڵێت.
- خۆراكی گونجاو بۆ پێست دابین دەكات.
خانمی بەڕێز، بۆ سوود وەرگرتن لە شیر بۆ روخسار و پێستت، دەتوانین ئەو گیراوەیە ئامادە بكەین :
سەرەتا دوو كەوچەك شیر، لەگەڵ كەوچكێك هەنگوین بهێنە، دواتریش هەندێك ئاوی شلەتێن ئامادە بكە، تێكەڵیان بكە و وەك هەویر بیان شێلە، ئەو گیراوەیە لە پێست و ناوشانت هەڵسووە، ئەم گیراوەیە بە لای كەمەوە بۆ ماوەی بۆ ماوەی (15) خولەك لەسەر پێستت بمێنێتەوە، ئەوەش ماوەیەكی گونجاوە تا وشك دەبێتەوە. پاشان بە ئاوێكی كەمێك گەرم پێستت بشۆ.