شاری هەولێر، وەك شارێكی دێرین و كۆن، مێژوویەكی گەورە و پڕ سەروەری هەیە، هەر لە سەردەمی ئاشووریەكانەوە، تەنانەت بەر لە ئەوانیش بە شارێكی كۆن وخاوەن شارستانییەتێكی گەورە دادەنرێت، هەروەها قەڵای هەولێریش یەكێكە لەو قەڵایانەی كە مێژووی دەگەڕێتەوە بۆ (5000) هەزار ساڵ، ئەمەش مێژوویەكی گەورەیە و قەڵای هەولێر وەك قەڵای هۆلاكۆ بەزێن، كە هۆلاكۆی گەورەی داگیركەر، نەیتوانی ئەو قەڵایە داگیر بكات، ئەمەی سەرەوە یەكێكە لە وێنەی قەڵای هەولێر، كە لەلایەن هێزەكانی بەریتانیاوە بە فڕۆكە گیراوە، مێژووی ئەو وێنەیە دەگەڕێتەوە بۆ ساڵی (1850)ی زایینی، ئەمەش وێنەیەكی دێرینە و قەڵای هەولێر لەوكاتەدا پڕ خانوو بووە و تەنانەت دەوروبەری قەڵا، رێژەیەكی كەم خەڵكی لێ ژیاوە و خانووی لێ دروست كراوە، ئەو وێنەیەش لەم كاتە گیراوە، كاتێك فڕۆكەیەكی هێزەكانی بەریتانیا لە سلێمانی بەرەو موسڵ دەچێت و لە ئاسمانەوە وێنەی گیراوە، هەروەها لەسەر وێنەكە نووسراوە، وەستانێكی كاتی ئەو فڕۆكەیە لە هەولێر بۆ نان خواردن.