زۆربەی خانمان تووشی ئەو گرفتە دەبن، كاتێك دەبینن قژیان هەڵدەوەرێت، ئەمەش لە كاتی خۆشووشتن یان كاركردندا روودەدات، تەنانەت بەشێك لە خانمان، لە قژ هەڵوەرین دەترسن و لەوەی نەوەك بەردەوام بێت، چەندین رێگە چارە هەیە كە وادەكات رێگەبگرێت لە قژ هەڵوەرین كە رێگەی سادە و ساكارن و بەبێ هیچ كێشەیەك یان دەركەوتنی گرفت بۆ قژت، هەنگاوەكانیش لەم چەند خاڵە روون دەكەینەوە :
- هەوڵبدە ئەو جۆرە گیراوەیە دروست بكە كە پێكدێت لە : دانانی مۆز و بڕێك هەنگوین و كەمێك شیر، لەناو ئامێری تێكەڵكەر یان خەلاتە، كە بۆ ماوەی (10) خولەك و دواتر بیخۆرەوە.
- هەوڵبدە زۆرترین ماوە، قژت كراوە بێت و ئەوەندەش نەیبەستیت، چونكە قژ بە بەستن تووشی هەڵوەرین دەبێت، لەبەر ئەوەی ناكەوێتە بەر هەوا و ئۆكسجینیش بۆ خانەكانی سەر ناچێت.
- ئەو جۆرە ڤیتامینانە بخۆ، كە سوودی بۆ قژ هەیە، لەوانە : ڤیتامین (ب) كە لە زۆربەی میوە و سەوزە و برنج و زەیتوون و هەناردا هەیە.
- لە كاتی خۆشووشتندا، هەوڵبدە سەرت بۆ خوارەوە دابهێنیتەوە و پاشان بە پەنجەكانت بە نەرمی ناوەڕاستی پێستی سەرت و بەشی دواوە و پێشەوە بە جوانی بشێلە.
- دوور بكەوە لە ماندووبوون و دوودڵی و كاتی دیاریكراوت هەبێ بۆ نووستن.