هەر لەسەردەمەكانی پێشوو كچان گرنگیەكی زۆریان بەخۆڕازاندنەوە داوە، چ لەڕووی ڕووخسار یاخود قژیانەوە بێت، بەتایبەت شێوە و بەستنی قژیان لەلا زۆر گرنگ بووە و بایەخیان پێداوە. بۆنموونە لەسەردەمی فیرعەونیەكان شێوەی جۆراوجۆری تەسریحە بەستن هەبووە هەتاوەكو ئەمڕۆكەش سەدەها ساڵ شێوەی نوێ دەردەكەوێت، جوانی تەسریحە تایبەتە بەجوانی ڕووخساری ئافرەتانەوە، مۆدەی تازەش چەندین مۆدەی جوان و شایستەن، كە دەكرێ سوودێكی گەورەی لێوە ببینین لە ڕازاندنەوە و بەستنی قژ ئەمەش لەڕێگەی هەڵبژاردنی چەندین تەسریحەی جیاوازەوە.
ئەوەی لێرەدا گرنگە ئافرەت بزانێت چ جۆرە تەسریحەیەك بۆ ئەو گونجاوە لەڕووخساریان دێتەوە، هەروەها بگونجێت بۆ ئەو شوێنەی كەبۆی دەچێت بۆنموونە: ئاهەنگێڕان، میوانداری، یاخود دەرەرەوە. دانانی تەسریحەی قژ بەجوانیەكی تایبەت ئەمانەش دواین شێوەی جوانی تەسریحەی قژن كە خانمان و ئافرەتان دەتوانن سوودی لێوە وەربگرن و ببێتە مۆدەیەكی ڕازاوە بۆ جوانی قژی خانمان.

ئامادەكردنی: ساریە پشدەری