ئەمریکا دوو بەرپرسی پاسداران دەخاتە لیستی سزاکانەوە
ئەو دوو بەرپرسە بریتین لە عەلی هیممەتی و مەسعود سەفدەری، کە پیشەیان لێکۆڵەرە لە سوپای پاسداران.
ئەنتۆنی بلینکن، وەزیری دەرەوەی ئەمریکا رایگەیاندووە، هیممەتی و سەفدەری بەرپرسن لە ئەشکەنجەدانی زیندانییانی سیاسی، ئەشکەنجەدانی خۆپیشاندەران لە ساڵەکانی 2019 و 2020 و پێشێڵکردنی مافەکانی مرۆڤ.
ئەنتۆنی بلینکن هەروەها رایگەیاندووە، بەردەوام دەبن لە کارکردن بۆ سزادانی ئەو دوو بەرپەرسە و ئەو بەرپرسانەی بەشدارن لە پێشێڵکردنی مافەکانی مرۆڤ و ”دەبێ باجی کردەوەکانیان بدەن“.
بەپێی ئەو سزایەی وەزارەتی دەرەوەی ئەمریکا، عەلی هیممەتی و مەسعود سەفدەری و خێزان و کەسوکارە نزیکەکانیان ناتوانن بچنە ئەمریکا.
باسنيوز
