وەزیری دەرەوەی ئێران رەتیکردەوه گفتوگۆ لەسەر رێککەوتنی ئەتۆمی بکرێت.

محەمەد جەواد زەریف، وەزیری دەرەوەی ئێران رایگەیاند، رێککەوتنی ئەتۆمی جێگەی گفتوگۆ نییه.

زەریف له تویتێکدا گوتی: ئەگەر هەلومەرجی ئێستا وەک ساڵی 2015 نییه، وەک ئاماژەیەک بۆ ئەو ساڵەی رێککەوتنی ئەتۆمیی تێدا کراوه، کەواته دەبێت بگەڕێینەوه ساڵی 1945 و مافی ڤیتۆ هەڵوەشێتەوه، که زۆربەی جار لەلایەن ئەمریکاوە بۆ بەرژەوەندیی خۆی بەکاردێت.

زەریف داوایكرد، ئەم دۆخه هەڵپەسێردراوه کۆتایی پێبێت و بگەڕێنەوه سەر جێبەجێکردنی رێککەوتنی ئەتۆمی، که پێشتر هەموو لایەنەکان واژوویان لەسەر کردووه.

لەلایەکی دیکەوه نوێنەری ئەمریکا له ئاژانسی نێودەوڵەتیی وزەی ئەتۆمی گوتی: به هیچ شێوەیەک رێگا نادەین ئێران دانوستان بۆ سازش بەکار بهێنێت.
k24 -