وەزارەتی ناوخۆی شانشینی عەرەبستانی سعودیە بۆ رێگرتن لە بڵاوبوونەوەی زیاتری پەتای کۆرۆنا لە وڵاتەکەیدا، کۆتوبەندەکانی رووبەڕووبوونەوەی کۆرۆنا بەسەر هاووڵاتییان دەسەپێنێتەوە.

بڕیارە نوێیەکەی وەزارەتی ناوخۆی سعودیە لە کاتژمێر 10ـی شەوی پێنجشەممە 4-2-2021ـەوە.

بەپێی هەواڵی میدیا سعودیەکان، هەموو جۆرە ئاهەنگ و کۆبوونەوەیەک بۆ ماوەی 30 رۆژ قەدەغەیە و دەکرێ ماوەکەش درێژ بکرێتەوە، هەموو جۆرە گردبوونەوەیەکی خەڵک، کە لە 20 کەس تێپەڕێ، بۆ ماوەی 10 رۆژ قەدەغەیە و دەکرێ ماوەکەش درێژ بکرێتەوە، هەموو جۆرە چالاکییەکی هونەری و چێژبەخش بۆ ماوەی 10 رۆژ قەدەغەیە و دەکرێ ماوەکەش درێژ بکرێتەوە.

هەروەها هەموو هۆڵەکانی سینەما و سەنتەرە هونەرییەکان بۆ ماوەی 10 رۆژ دادەخرێن و دەکرێ ماوەکەش درێژ بکرێتەوە، دەبێ چێشتخانە و چایخانەکان بۆ ماوەی 10 تەنیا لە دەرەوەی خواردنگە و چایخانە پێشوازیی لە میوانەکانیان بکەن، رێکخستنەوەی رێوڕەسمی نوێژکردن لەسەر مردوو بەپێی رێکارە تەندروستییەکان.






باسنيوز