لە ڕووسیا ژمارەی تووشبوانی پەتای کۆرۆنا بەرز بووەوە، تا ئێستاش لە ھەمان وڵات زیاتر لە 55 ھەزار کەس بەھۆی کۆرۆناوە گیانیان لەدەست داوە.

بەپێی دوایین ئامارەکان، ئەمڕۆ دووشەممە 28/12/2020، لە ڕووسیا 27 ھەزار و 787 کەسی دیکە تووشی کۆرۆنا بوون، ژمارەی تووشبوانی پەتاکەش لە وڵاتەکە گەیشتە سێ ملیۆن و 78 ھەزار و 35 کەس.

ئەمەش لەکاتێکدایە دوێنێ یه‌كشەممە لە ڕووسیا، 28 ھەزار و 284 کەسی دیکە تووشی کۆرۆنا ببوون.

ھەر لە ڕووسیا 487 کەسی دیکە بەھۆی کۆرۆناوە گیانیان لەدەست دا، کۆی گشتیی مردوانیش لە ھەمان وڵات بەھۆی پەتاکەوە گەیشتە 55 ھەزار و 265 کەس، تا ئێستاش لە ڕووسیا دوو ملیۆن و 450 هه‌زار و 829 کەس لە کۆرۆنا چاک بوونەتەوە.











باسنيوز