وەزیری دەرەوەی ئێران هەڵوێستی وڵاتەکەی لەبارەی سزادانی تورکیا لەلایەن ئەمریکاوە، ئاشکرا کرد.

ئەمڕۆ سێشەممە 15-12-2020، محەمەدجەواد زەریف، وەزیری دەرەوەی ئێران لە هەژماری تایبەتیی خۆی لە تۆڕی کۆمەڵایەتیی (تویتەر)، سەرکۆنەی سەپاندنی سای بەسەر تورکیا، کردووە.

محەمەدجەواد زەریف رایگەیاندووە، ئەمریکا راهاتووە لەسەر سزادان و پێشێڵکردنی یاسا نێودەوڵەتییەکان.

وەزیری دەرەوەی ئێران پشتگیریی وڵاتەکەی بۆ گەل و حکوومەتی تورکیا لە دژی ئەمریکا راگەیاندووە و بە هاشتاگی دراوسێکان لەپێشینەن ( #NeighborsFirst )، کۆتایی بە پەیامەکەی هێناوە.

رۆژی دووشەممە 14-12-2020، وەزارەتی گەنجینەی ئەمریکا سزای بەسەر دامەزراوەی پیشەسازیی بەرگریی تورکیا، ئیسماعیل دەمیری سەرۆکی ئەو دامەزراوەیە و سێ کەسی دیکەی پەیوەندیدار بە پیشەسازیی بەرگریی تورکیا، سەپاند.













باسنيوز