بەپێی نووسراوێکی نووسینگەی تایبەتی موقتەدا سەدر، بڕیارە لە شەممەی داهاتووەوە "نووسینگەی شەهید سەدر" لە نەجەف بکرێتەوە.

لە مانگی نیسانی رابردوودا، بەپێی بڕیارێکی موقتەدا سەدر ئەو نووسینگەیە لە نەجەف داخرا، هەروەها لە ئایاری رابردووەوە پاش هێرشکردنە سەر مەزاری محەممەد سەدر، باوکی موقتەدا سەدر، بە بڕیارێک ئەو مەزارەش داخرا.

بەپێی نووسراوێکی نووسینگەی تایبەتی موقتەدا سەدر کە وێنەیەکی دەست کەوتووە، "لەسەر بڕیاری موقتەدا سەدر، لە رۆژی شەممەوە نووسینگەی شەهید محەممەد سەدر لە مزگەوتی فاتیمە زەهرا لە نەجەف دەکرێتەوە بۆ دەرکردنی بەیاننامە و فەتوا".
rudaw -