ئەندامێکی لێژنەی پەیوەندییەکانی دەرەوەی ئەنجوومەنی پیرانی ئەمریکا، پرۆژەیەک بۆ ناساندنی رەوتی ئیخوان موسلیمین وەک گرووپێکی تیرۆریستی، ئامادە دەکات.

تید کرۆز، ئەندامی کۆماریخوازی لێژنەی پەیوەندییەکانی دەرەوەی ئەنجوومەنی پیران پرۆژەکەی ئامادە کردووە و پێشکەشی کۆنگرێسی وڵاتەکەی کردووە.

تید کرۆز لە پرۆژەکەدا ئاماژەی بەوە کردووە، کە رەوتی ئیخوان موسلیمین بەرپرسە لە پارەدارکردنی تیرۆر و بانگەشەکردن بۆی.

کرۆز جەختی لە پێویستیی بە تیرۆریست ناساندنی رەوتی ئیخوان موسلیمین کردووەتەوە و رایگەیاندووە، ئەو پرۆژەیە دەبێتە هۆی پتەوکردنی هەڵوێستی ئەمریکا لە شەڕی دژی تیرۆر.

ئەو ئەندامەی لێژنەی پەیوەندییەکانی دەرەوەی ئەنجوومەنی پیرانی ئەمریکا نموونەی بە هەڵوێستی وڵاتانی سعودیە، میسر، بەحرێن و ئیمارات هێناوەتەوە، کە دەوڵەتی عەرەبی و ئیسلامین و رەوتی ئیخوان موسلیمینیان خستووەتە ناو لیستی رێکخراوە تیرۆریستییەکان.







باسنيوز