ھەسەدە رایگەیاند، گروپە چەكدارەكانی سەر بە ئۆپۆزیسیۆن ھێز لە دەورووبەری عەین عیسا كۆدەكەنەوە و خۆیان بۆ ھێرشكردن ئامادە دەكەن.

ناوەندی راگەیاندنی ھێزەكانی سووریای دیموكرات بڵاوی كردەووە، لە 3 رۆژی رابردوودا گروپە چەكدارەكانی سەربە توركیا، ھێرشەكانیان بۆ سەر عەین عیسا و دەورووبەری زیادكردووە و لە ئەنجامی تۆپبارانی ئەم بەیانییەش، دوو منداڵ بریندار بوون.

ئاماژەی بەوەش كردووە، گروپە چەكدارەكان ھێز لە ناوچەكە كۆدەكەنەوە و خاڵی نوێ لە نزیك رێگەی ئێم فۆر دروست دەكەن و خۆیان بۆ ھێرشێكی بەرفراوان ئامادە دەكەن.
k24 -