دادگای فیدڕاڵی ئەمریکا داواکارییەکی تیمی بانگەشەی دۆناڵد ترەمپ، سەرۆکی هەڵنەبژێردراوەی ئەو وڵاتەی رەتکردەوە کەتایبەت بو بەراگەیاندنی سەرکەوتنی جۆ بایدن لە ویلایەتی پێنسلڤانیا.

هەڵبژاردنەکەی سێی تشرینی دوەم بەشێوەیەکی پاک و بێگەرد بەڕێوەچوە

ستیڤانۆس بیباس، ئەندامی لیژنەی دادوەران لە دادگای تێهەڵچونەوەی فیدڕاڵی ئەمریکا لەبارەی سکاڵاکەی دۆناڵد ترەمپ، سەرۆکی هەڵنەبژێردراوە رایگەیاند، هەڵبژاردنەکەی سێی تشرینی دوەم بەشێوەیەکی پاک و بێگەرد بەڕێوەچوە کە جەختکردنەوەیە لە دیموکراسیەتی ئەمریکا.

ئەوانەی کەباس لە بونی ساختەکاری دەکەن لە هەڵبژاردنەکاندا بەڵگەکانیان لاوازن

ئاماژەی بەوەشکرد، ئەوانەی کەباس لە بونی ساختەکاری دەکەن لە هەڵبژاردنەکاندا بەڵگەکانیان لاوازن و "تۆمەتێکی لەو شێوەیەش کارێکی مەترسیدارە".

تیمی هەڵبژاردنی ترەمپ دەیەوێت باوەڕ بە لایەنگرانی بهێنێت کە هەنگاوی نایاسایی لەهەڵبژاردنەکان هەبوە کە ئەنجامەکانی گۆڕیوە بەتایبەت لە ویلایەتەکانی مێشیگان، جۆرجیا، نیڤادا، ئەریزۆنا و نیڤادا کە هەمویان لەبەرژەوەندی جۆ بایدن سەرۆکی هەڵبژێردراوی ئەمریکا یەکلایی بونەتەوە.








خەندان