سەرۆکی هەرێمی کوردستان پهیامێك بۆ ڕۆژی جیهانیی نههێشتنی توندوتیژیی دژی ئافرهتان بڵاو دهكاتهوه
ئهمڕۆ چوارشهممه 25/11/2020، نێچیرڤان بارزانى، سهرۆكى ههرێمى كوردستان، پهیامێكى بۆ ڕۆژی جیهانیی نههێشتنی توندوتیژیی دژی ئافرهتان بڵاو كردهوه و ئاماژه بهوه دهدات: "لە ساڵیادی ڕۆژی جیهانیی نههێشتنی توندوتیژیی دژی ژناندا، جهخت له بهردهوامیى پشتگیرى له مافهكانیان و ههوڵ و کاری بەردەوام بۆ نههێشتنى توندوتیژیی دژى ژنان دەکەینەوە، كوردستانیش وهك ههموو جیهان بەهۆی ڤایرۆسی کۆرۆناوە، قۆناغێکی زۆر سەخت تێدهپهڕێنێت".
سهرۆكى ههرێمى كوردستان ههروهها ئهوهشى خستووهته ڕوو: "ژنان لە بەرەی پێشەوەی خەبات بوون بۆ پەروەردهی منداڵ و پاراستنی هاووڵاتییان و ڕێگرى له بڵاوبوونهوهى پهتا و چارهسهركردنى نهخۆش، دەستخۆشی لە پەرستار و پزیشک و کرێکار و کارمەندانی تەواوی دامەزراوە تەندروستی و پەروەردەیییەکانی کوردستان و سوپاسى ئهرك و ماندووبوونیان دهكهم".
نێچیرڤان بارزانى باسى لهوهش كردووه: "ئێمە لە سەرۆکایەتیی هەرێمى كوردستان هەماهەنگی و هاوکاری لهگهڵ حکوومەت دەکەین بۆ پاراستنی مافەکانی ژنان و بەرەنگاربوونەوەی توندوتیژی لەسەر بنەمای جێندەر، هەروەها هانی کۆمەڵگەی نێودەوڵەتی دەدەین کە بۆ ئهم پرسه بە گوڕ و تینێکی زیاترهوه پشتگیریی دامودەزگاکانی هەرێمی کوردستان بكهن، ئافرهتان دڵنیا دەکەینەوە کە هاوکاری و هەماهەنگیمان بۆ گهیشتن به ئاکامی باشتر بەردەوام دەبێت".
دهقى پهیامهكهى سهرۆكى ههرێمى كوردستان:
لە ساڵیادی ڕۆژی جیهانیی نههێشتنی توندوتیژیی دژی ژناندا، جهخت له بهردهوامیى پشتگیرى له مافهكانیان و ههوڵ و کاری بەردەوام بۆ نههێشتنى توندوتیژیی دژى ژنان دەکەینەوە. كوردستانیش وهك ههموو جیهان بەهۆی ڤایرۆسی کۆرۆناوە، قۆناغێکی زۆر سەخت تێدهپهڕێنێت. ئافرەتان لە ماڵ و نەخۆشخانە و دامەزراوە تەندروستی و پەروەردەیییەکان، ئەرکێكى قورسیان کەوتە ئەستۆ.
ژنان لە بەرەی پێشەوەی خەبات بوون بۆ پەروەردهی منداڵ و پاراستنی هاووڵاتیان و ڕێگرى له بڵاوبوونهوهى پهتا و چارهسهركردنى نهخۆش. دەستخۆشی لە پەرستار و پزیشک و کرێکار و کارمەندانی تەواوی دامەزراوە تەندروستی و پەروەردەیییەکانی کوردستان و سوپاسى ئهرك و ماندووبوونیان دهكهم.
قەیرانی ئابووری و دارایی كه لێكهوتهى پهتاى كۆڤید_19ن، لەگەڵ گرژییه سیاسییهكان، دەستکەوتەکانی ژنان دهخهنه مەترسییەوە، بهڵام ئافرەتانی کوردستان دڵنیا دەکەینەوە کە لەگەڵ لایهنه پهیوهنددارهكانى حکوومەتی هەرێمى كوردستان کار دهکهین بۆ پاراستنی دەستکەوتەکانیان و نههێشتنى توندوتیژی و مسۆگهرکردنی دادوەریی کۆمەڵایەتی. له ههر شوێن و ئاستێكدا بێت، بهرهنگارى گێچەڵ و دەستدرێژی بۆ سهر ئافرهتان دهبینهوه.
توندوتیژی، پرسی مافی مرۆڤ و هەموو کۆمەڵگەیە. پێویستە پیاوان ڕۆڵی كاراتر ببینن، بەشێکی گەورەی چارەسەر بن و ڕۆڵیان له نەهێشتنی توندوتیژیدا ههبێت. كاتى کەرەنتینە و ڤایرۆسی کۆرۆنا، بۆ پیاوان بووە مایەی هۆشیاری و بەخۆداچوونەوە کە ناوماڵ تەنها شوێنی حەسانەوە نییه، بەڵکوو شوێنی کار و هاوکاری و بەجێهێنانی ئەرکەکانیشمانە بەرامبەر دایک و خوشک و هاوژین و پەروەردەی منداڵەکانمان.
ئێمە لە سەرۆکایەتیی هەرێمى كوردستان هەماهەنگی و هاوکاری لهگهڵ حکوومەت دەکەین بۆ پاراستنی مافەکانی ژنان و بەرەنگاربوونەوەی توندوتیژی لەسەر بنەمای جێندەر، هەروەها هانی کۆمەڵگەی نێودەوڵەتی دەدەین کە بۆ ئهم پرسه بە گوڕ و تینێکی زیاترهوه پشتگیریی دامودەزگاکانی هەرێمی کوردستان بكهن. ئافرهتان دڵنیا دەکەینەوە کە هاوکاری و هەماهەنگیمان بۆ گهیشتن به ئاکامی باشتر بەردەوام دەبێت.
هیوادارم چالاکی و کارەکان تەنها لەم شازدە ڕۆژهدا قەتیس نەمێنن، بەڵکوو هەمووان پێکەوە بە ژن و پیاوەوە ڕۆژانە کار بۆ نههێشتنی توندوتیژی و بەدیهێنانی ئامانجەکانمان بۆ ئاشتی و یەکسانی و دادوەری، بكهین.
هیوای سەرکەوتن و تەندروستی بۆ هەموو لایەک دەخوازم.
نێچیرڤان بارزانی
سەرۆکی هەرێمی کوردستان
٢٥/ ١١/ 2020
باسنیوز
