دۆناڵد ترەمپ، سەرۆکی ویلایەتە یەکگرتووەکانی ئەمەریکا لە تویتێکدا بڵاویکردەوە، چەند زانیارییەکی گرنگیان لەبارەی ساختەکاری لە جۆرجیا دەستکەوتووە.

داوا لە لایەنگرانی دەکات، بە پەرۆشەوە چاوەڕوانی ئاشکراکردنی ساختەکارییەکان بکەن.

پێشتریش ترەمپ رایگەیاندبوو، پارێزگاری جۆرجیا رێگایان نادات تەماشای ئەو واژۆ ساختانە بکەن کە دەبنە هۆی ئاشکراکردنی هەزاران سندوقی دەنگدانی ساختە.

دەشڵێت، ئەو ساختەکارییانە نەبن، من و پارتی کۆمارییەکان سەرکەوتنی زۆر گەورە بەدەست دەهێنین.

ئەمەش لە کاتێکدایە، لە دوای هەژمارکردنەوەی دەنگەکانی ئەو ویلایەتە، جۆ بایدن، کاندیدی دیموکراتەکان بۆ سەرۆکایەتیی ئەمەریکا دووبارە سەرکەوتنی بەدەستهێنا.
k24 -