سەرۆ وەزیرانی ئەرمینیا، نیكۆل باشینیان داوای لە كاندیدی دیموكراتەكان جۆ بایدن كردن ھەنگاوی چالاك بگرێتەبەر بۆ راگرتنی شەڕ لە قەرەباغ و دان بە سەربەخۆیی ئەو ھەرێمە بنێت.

باشینیان ئەمڕۆ یەكشەممە لە نامەیەكی پیرۆزباییدا بۆ جۆ بایدن گوتی: ئومێدێكی گەرەم ھەیە بەوەی ئیدارەكەتان ھەنگاوی چالاك بگرێتەبەر بۆ كۆتاییھێنان بەشەڕ و چارەسەركردنی تەواوی پرسەكە، بەشێوەیەك دابینی ئاسایشی قەرەباغ و مافەكەی لە چارەی خۆنووسین بكات".

باشینیان ئاماژەشیكرد، ئەرمینیا رۆڵی ویلایەتە یەكگرتووەكانی ئەمەریكا لە چارەسەركردنی ململانێی قەرەباغ بەگرنگ دەزانێت، چونكە یەكێكە لە سەرۆكەكانی كۆمەڵەی مینیسكی سەر بە رێكخراوی ئاسایش و ھاریكاری لە ئەوروپا.

ھەروەھا روونیشیكردەوە: بایدن بەشێوەیەكی بەرچاو بەشدارییكردووە لە بەھێزكردنی دۆستایەتی ئەمەریكایی و ئەرمەنی و گوتی: گەلی ئەرمینیا رێز لە ھەڵوێستان دەگرێت لە پاراستنی بەرژەوەندییەكانی و داننان بە جینۆسایدی ئەرمەنییەكان".
K24 -