لە شاری لیۆنی فەرەنسا کەسێک قەشەیەکی بە گوللە بریندارکرد، پۆلیسی ئەو وڵاتەش دەڵێت: تەقەکەرەکە دوای بریندارکردنی قەشەکە هەڵاتووە.

کاژێر 04:00ی ئێوارە بە کاتی نێوخۆی فەرەنسا دوو جار تەقە لە قەشە ئۆرسۆدۆکسییەکە کراوە لە کاتێکدا خەریکی داخستنی کەنیسەکە بووە.

سەرچاوەیەک بە پۆلیسی شارەکە رایگەیاندووە کە هێرشکارەکە چەکێکی لە جۆری تاپڕ پێبووە.

قەشەکە بەسەختی برینداربووە و لە شوێنی رووداوەکە فریاگوزاریی سەرەتایی بۆ کراوە پێش ئەوەی بگوازرێتەوە بۆ نەخۆشخانە.

تەقەکەرەکە هێشتا نەدۆزراوەتەوە و پۆلیس لە شوێنی رووداوەکە بڵاوەیان پێکراوە.
rudaw -