لیژنەی پارێزگاری لە ڕۆژنامەنووسان لە نیۆریۆك لە ڕاپۆرتێکدا بڵاوی کردووە كە عێراق و سووریا مەترسیدارترین وڵاتانن بۆ كاری ڕۆژنامەوانی.

ڕ‌وژنامەی "میدڵ ئێست مۆنیتەر"ی ئەمریكی ڕاپۆرتێكی تازەی لیژنەی پارێزگاری لە ڕۆژنامەنووسان لە نیۆریۆكی بڵاو كردووەتەوە، لە راپۆرتەكەدا هاتووە عێراق و سووریا بۆ چوارەم ساڵ لە ڕیزبەندیی 10 وڵاتی جیهاندا گونجێندراون كە بۆ كاری ڕۆژنامەوانیی مەترسیدارن و لەسەرەتای ساڵەوە تاكوو ئێستا 20 رۆژنامەنووس لەو دوو وڵاتە كوژراون و لێكۆڵینەوەش لەسەر كۆژرانیان نەكراوە.

ڕ‌وژنامەكە ئەوەشی خستووەتە ڕوو بۆ ماوەی چوار ساڵ دەبێت هەر یەك لە عێراق و سووریا لە لیستی 10 وڵاتە مەترسیدارەكانی جیهانن بۆ ڕۆژنامەنووسان.

بەپێی ئامارێكیش كە ڕۆژنامەكە لە لیژنەی پارێزگاری لە ڕۆژنامەنووسان وەری گرتووە، لە ساڵی 1992 تاكوو ئێستا هەزار و 386 ڕۆژنامەنووس لە جیهاندا كوژراون و هەزار و 772 ڕۆژنامەنووسیش زیندانی كراون.











باسنيوز