توێژینەوەیەکی پزیشکانی ژاپۆنی دەریخستووە توانای مانەوەی ڤایرۆسی کۆرۆنا لەسەر پێستی مرۆڤ پێنج هێندە زیاترە لە توانای مانەوەی ڤایرۆسی ئەنفلەوەنزا.

توێژینەوەکەی پزیشکانی ژاپۆنی لە جۆرناڵی (Clinical Infectious Diseases) بڵاوکراوەتەوە و تێیدا هاتووە ڤایرۆسی کۆرۆنا بۆ ماوەی نۆ کاژێر بەشێوەیەکی چالاکانە لەسەر پێست دەمێنێتەوە.

لە توێژینەوەکەدا بەراوردێک کراوە لەنێوان مانەوەی ڤایرۆسی کۆرۆنا و ڤایرۆسی ئەنفلەوەنزا لەسەر پێست و سەرپەرشتیارانی توێژینەوەکە بۆیان دەرکەوتووە ڤایرۆسی کۆرۆنا زیاتر لەسەر پێست دەمێنێتەوە.

پزیشکان دەڵێن گرنگی دەستشوشتنی بەردەوام لەوەدایە ڤایرۆسەکە لەنێودەبات و سەرەنجام مەترسیی تووشبوونمان کەمدەکاتەوە.
rudaw -