سەرۆکی ویلایەتە یەکگرتوەکانی ئەمریکا رایگەیاند، بەتەواوی لە ڤایرۆسی کۆرۆنای نوێ رزگاری بوە و ئامادەیە بۆ کارەکانی بانگەشەی هەڵبژاردن.

دۆناڵد ترەمپ، سەرۆکی ویلایەتە یەکگرتوەکانی ئەمریکا بە کەناڵی فۆکس نیوزی راگەیاند، "لە ئێستادا، تەندروستی زۆر باشە و بەتەواوی لە ڤایرۆسی کۆرۆنای نوێ رزگاری بوە و ئامادەیە بۆ کارەکانی بانگەشەی هەڵبژاردن.

چاوەڕوان دەکرێت ئەمڕۆ دۆناڵد ترەمپ بۆ ئەنجامدانی میتینگێک سەردانی ویلایەتی فلۆریدا بکات

چاوەڕوان دەکرێت ئەمڕۆ دوشەممە دۆناڵد ترەمپ بۆ ئەنجامدانی میتینگێک سەردانی ویلایەتی فلۆریدا بکات و دواتریش رۆژانە لە یەک یان دو ویلایەتی دیکە میتینگ ساز بکات.

شەوی یەکی ئەم مانگە، ترەمپ توشبونی خۆی و هاوژینەکەی بە ڤایرۆسی کۆرۆنای نوێ راگەیاند و پاشان بەهۆی خراپی دۆخی تەندروستییەوە گواسترایەوە بۆ نەخۆشخانە، دوای سێ رۆژ لە وەرگرتنی چارەسەر نەخۆشخانەی بەجێهێشت.






خەندان