کۆشکی سەرۆکایەتی روسیا (کرملن) رایگەیاند، هەریەک لە ڤیلادمیر پوتین سەرۆکی روسیا و ئیمانیۆل ماکرۆن سەرۆکی فڕەنسا پەیوەندییەکی تەلەفۆنییان ئەنجامداوە و پێکەوە داوای راگەیاندنی ئاگربەستی بەپەلە لەناوچەی قەرەباغ لەنێوان ئازەر بایجان و ئەرمینیا دەکەن.

داوایان لەبەرپرسانی ئازەربایجان و ئەرمینیا کردوە بۆ رێگرتن لەلێکەوتەی زیاتری شەڕەکە و بڵاوبونەوەی ئاگری جەنگ لەو ناوچەیەدا ئاگربەستی بەپەلە رابگەیەنن


بەگوێرەی زانیارییەکانی کۆشکی سەرۆکایەتی روسیا، هەردو سەرۆک پرسی پێشهات و ئاڵۆزییەکانی ناوچەکەیان تاوتوێکردوە و داوایان لەبەرپرسانی ئازەربایجان و ئەرمینیا کردوە بۆ رێگرتن لەلێکەوتەی زیاتری شەڕەکە و بڵاوبونەوەی ئاگری جەنگ لەو ناوچەیەدا ئاگربەستی بەپەلە رابگەیەنن.

ماکرۆن و پوتین تاتوێی هەنگاوەکانی کۆمەڵەی مینسکیان کردوە کە پەیوەندی بە رێکخراوی هاریکاری ئەوروپاوە هەیە


کرملن لەڕاگەیەنراوێکدا ئاماژەی بەوەشکردوە، ماکرۆن و پوتین تاتوێی هەنگاوەکانی کۆمەڵەی مینسکیان کردوە کە پەیوەندی بە رێکخراوی هاریکاری ئەوروپاوە هەیە لەپێناوی هێورکردنەوەی دۆخی ئاڵۆزی ناوچەکە و گێڕانەوەی لایەنە ناکۆکەکان بۆ مێزی گفتوگۆ و دانوستان.

دوێنێ وەزارەتی دەرەوەی ئازەربایجان رایگەیاند، سێرگی لافرۆڤ وەزیری دەرەوەی روسیا پەیوەندی بە هاوکا ئازەرییەکەیەوە کردوە و پێشنیاری نێوەندگیری مۆسکۆی کردوە بۆ هێورکردنەوەی دۆخەکە.







خەندان