ئەو فڕۆكەیەی مایك پێنس، جێگری سەرۆكی ئەمریكای هەڵگرتبوو، ناچار بوو بگەڕێتەوە فڕۆكەخانەی شاری مانچستەر، دوای ئەوەی لە كاتی جێهێشتنی فڕۆكەخانەكەدا بەر باڵندەیەك كەوت.

ئەمڕۆ چوارشەممە 23/9/2020، نووسینگەی مایك پێنس، بڵاوی كردووەتەوە، كە دوێنێ ئەو فڕۆكەیەی مایك پێنسی هەڵگرتبوو، بە ناچاری گەڕایەوە فڕۆكەخانەی شاری مانچستەر لە ویلایەتی نیو هامبشێر، دوای ئەوەی لە كاتی جێهێشتنی شوێنەكە و بەرزبوونەوەیدا، باڵندەیەك بەر فڕۆكەكەی كەوت.

لە روونكردنەوەكەدا، نووسینگەی جێگری سەرۆكی ئەمریكا، ئەوەشی ڕاگەیاند، كە پێنس لە ڕێدا بوو بەرەو واشنتۆن، بەڵام بە ناچاری و بۆ سەلامەتیی گیانی، فڕۆكەكە گەڕایەوە ئەو فڕۆكەخانەی لێیەوە هەستابوو.








باسنیوز