شەوی چوارشەممە فڕۆکە جەنگییەکانی ئیسرائیل فڕۆکەخانەی (T4)ی سەربازییان لە ناوەڕاستی سووریا بۆردوومان کرد و تاوەکو ئێستا ئاستی زیانەکان نازانرێ.

ئاژانسی هەواڵی”سانا”ی سووری لە زاری سەرچاوەیەکی سەربازییەوە بڵاویکردەوە کە کاتژمێر(22:23)ی خولەکی شەوی چوارشەممە(2-9-2020) فڕۆکە جەنگییەکانی ئیسرائیل ژمارەیەک مووشەکیان ئاراستەی فڕۆکەخانەی تیفۆڕ-ی سەربازیی ڕژێمی سووریا کرد.

سەرچاوەکە ئاشکرای کردووە کە بەرگریی ئاسمانیی سوپای سووریا پەرچەکرداری هەبووە و شکستی بە هێرشەکە هێناوە و زیانە داراییەکانی هێرشەکەی کەم کردووەتەوە.

ئەو سەرچاوەیە هیچ زانیارییەکانی سەبارەت بە ئاستی زیانەکانی بۆردوومانەکە ئاشکرا نەکردووە.









باسنيوز