وەزارەتی بەرگری روسیا بڵاویکردەوە، بەمەبەستی ئەنجامدانی مانۆرێکی سەربازی لەناو خاکی بیلاروس، ژمارەیەک لەهێزەکانیان رەوانەی ئەو وڵاتە دەکەن.

سەرۆکی دەستەی ئەرکانی سوپای روسیا و هاوتا بیلاروسییەکەی لەسەر ئەنجامدانی مانۆڕێکی سەربازی گەورەی لەناو خاکی بیلاروس رێککەوتون


بەگوێرەی میدیاکانی روسیا، ئێوارەی ئەمڕۆ لەراگەیەنراوێکدا، وەزارەتی بەرگری روسیا ئاماژەی بەوەکردوە، سەرۆکی دەستەی ئەرکانی سوپای روسیا و هاوتا بیلاروسییەکەی لەسەر ئەنجامدانی مانۆڕێکی سەربازی گەورەی لەناو خاکی بیلاروس رێککەوتون.

ژمارەیەک لەهێزەکانیان رەوانەی ناوچەیەکی دوری رۆژئاوای بیلاروس دەکەن و مانۆڕەکەش لەکۆتایی ئەم مانگە ئەنجامدەدەن


لەراگەیەنراوەکەدا هاتوە، وەک ئامادەکارییەک بۆ ئەو مانۆڕە سەربازییە کەبەناوی راهێنانی (سلاڤیک برەزەرس) ئەنجامدەدرێت، ژمارەیەک لەهێزەکانیان رەوانەی ناوچەیەکی دوری رۆژئاوای بیلاروس دەکەن و مانۆڕەکەش لەکۆتایی ئەم مانگە ئەنجامدەدەن.

ئەم هەنگاوەی روسیا لەکاتێکدایە، بەهۆی هەڵبژاردنەوەی ئەلێکساندەر لوکانشینکی سەرۆکی بیلاروس و بەردەوامی شەپۆلی خۆپیشاندان و ناڕەزایەتییەکان، ئەوروپا بەردەوام هەڕەشەی کاردانەوە دەکەن و سوپای ناتۆش چاودێری ئەو ناوچەیە دەکات.




خەندان