سەرۆکی ئەمریکا و جێگرەکەی بە بڵاوکردنەوەی پەتای کۆرۆنا لەناو کارمەندانی هێزە تایبەتە ئەمنییەکانی چواردەوری خۆیان، تۆمەتبار دەکرێن.

رۆژنامەی (واشنتن پۆست)ی ئەمریکی لە راپۆرتێکدا ئاشکرای کردووە، کە دۆناڵد ترەمپی سەرۆکی وڵات و مایک پێنسی جێگری، بەردەوام بۆ هەڵمەتی هەڵبژاردن دەچنە ناو شارەکانی وڵاتەکەیان و گردبوونەوەی جەماوەری ساز دەکەن.

هەروەک رۆژنامەکە بڵاوی کردووەتەوە، ژمارەیەکی زۆری ئەو کارمەندانەی پاراستنی دۆناڵد ترەمپ و مایک پێنسیان پێسپێردراوە، بەهۆی گەڕانە زۆرەکانی سەرۆک و جێگرەکەی، تووشی پەتای کۆرۆنا بوون.

دۆناڵد ترەمپ بە فەرمی کاندیدی پارتی کۆماریخوازی ئەمریکایە بۆ بوونەوە بە سەرۆکی وڵات و ماک پێنسیش وەک جێگری ترەمپ لە ئەگەری دەرچوونەوەی، دیاری کراوە.

بڕیارە رۆژی 3-11-2020، هەڵبژاردنی سەرۆکایەتیی ئەمریکا بەڕێوە بچێت.







باسنيوز