ركابەری دۆناڵد ترەمپ، بۆ پۆستی سەرۆكایەتی ئەمریكا لە هەڵبژاردنەكانی داهاتو رایگەیاند "كۆتایی بە سەردەمی دەسەڵاتی ترەمپ دێنم، دەبمە روناكیهێنەر نەك تاریكی".

لە روبەڕوبونەوەی پەتای كۆرۆنادا پەیماندەدات بە كارابونی و یەكخستنی گەلەكەی

جۆ بایدن، پاڵێوراوی دیموكراتەكان بۆ پۆستی سەرۆكایەتی ویلایەتە یەكگرتوەكانی ئەمریكا لەمیانی لێدوانێكیدا ئاماژەی بەوەكرد، لە روبەڕوبونەوەی پەتای كۆرۆنادا پەیماندەدات بە كارابونی و یەكخستنی گەلەكەی.

بە پێكەوەیی دەتوانین ئەم چاخە تاریكییەی ئەمریكا تێپەڕێنین

راشیگەیاند، "ئێستا و لەمكاتەدا پەیمانتان دەدەمێ ئەگەر متمانەتان پێبەخشیم بۆ سەرۆكایەتی، باشترینەكان هەڵدەبژێرم بۆ كارەكان نەك خراپترینەكان، دڵنیابن بە پێكەوەیی دەتوانین ئەم چاخە تاریكییەی ئەمریكا تێپەڕێنین".

ترەمپ بەردەوامدەبێت لە بڵاوكردنەوەی كینە و ترس ئەگەر جارێكی دیكە ببێتەوە سەرۆك

وتیشی، هاوپەیمانی روناكیی دەبم نەك تاریكی، هۆشداریشیدا دۆناڵد ترەمپ، سەرۆكی ئێستای ویلایەتە یەكگرتوەكان و پاڵێوراوی كۆمارییەكان بۆ هەمان پۆست لە هەڵبژاردنەكاندا بەردەوامدەبێت لە بڵاوكردنەوەی كینە و ترس ئەگەر جارێكی دیكە ببێتەوە سەرۆك.

بایدن لەوبارەیەوە زیاتر دوا و وتی "ئەم كاتە كاتێكی مێژوییە، كە لەناو قەیرانێكی تەندروستی و ئابوریداین، لەگەڵ جەنگەكانی تایبەت بە پاراستنی ژینگە".

پەیمانیشیدا بەرجەستەكار و نوێنەری هەمو ئەمریكییەك بێا و كاری جددی بكات لەپێناو ئەو كەسانەش كە پشتیوانیی لێناكەن.

بایدن-ی تەمەن 77 ساڵ، 75 رۆژ بەر لە بەرێوەچونی هەڵبژاردنەكان ئەمڕۆ هەینی لەرێگەی وتارێكی ڤیدیۆییەوە پەیامەكەی گەیاند.








خەندان