دۆناڵد ترەمپ، سەرۆکی ویلایەتە یەکگرتووەکانی ئەمەریکا رایگەیاند، میوانداری مەراسیمی واژۆکردنی رێککەوتنی نێوان ئیسرائیل و ئیمارات دەکات کە رەنگە سێ هەفتەی دیکە ئەنجام بدرێت.

لە کۆنفرانسێکی رۆژنامەوانیی، ترەمپ رایگەیاند: "چاوەڕوانی ئەوە دەکەم میوانداری سەرکردەکانی ئیسرائیل و ئیمارات بکەم لە کۆشکی سپی بۆ واژۆکردنی رێککەوتنەکە".

راشیگەیاند، رەنگە لە سێ هەفتەی داهاتوو ئەم کارە بە ئەنجام بگەیەنین.

دۆناڵد ترەمپ، سەرۆك وەزیرانی ئیسرائیل، بنیامین ناتانیاھۆ و جێنشینی ئەبووزەبی، محەمەد بن زاید ئال نھیان، بەیەكەوە قسەیان كردووە و رێككەوتوونە لە سەر ئاساییكردنەوەی تەواوی پەیوەندییەكان لە نێوان ئیسرائیل و دەوڵەتی ئیماراتدا.

بەگوێرەی راگەیەندراوێکی هاوبەشی هەردوو وڵات، رێككەوتنەكە هه‌ڵبڕانێكی دیپلۆماسی مێژووییە و دەبێتە مایەی چەسپاندنی ئاشتی لە رۆژھەڵاتی ناوەڕاستدا و بەڵگەیە لە سەر سەركەوتنی دیپلۆماسییەتی بوێر و دیدگای ھەر سێ سەركردەكە و بوێری ھەر یەك لە ئیمارات و ئیسرائیل لە سووربوونیان لە سەر نەخشەكردنی رێڕەوێكی نوێ، كە رێگا بەئازادكردن و دەرخستنی توانا گەورەكان دەدات لە ناوچەكەدا.

ئێران و فەڵەستین و چەند وڵاتێکی عەرەبی، دژی ئەو رێککەوتنەن و بە دژایەتییکردنی فەڵەستینی دەزانن.





K24-