پسپۆڕێکی نەخۆشییە درمییەکان لە ئەمریکا پێنج هۆکار بۆ خۆپارێزی و تووشنەبوون بە پەتای کۆرۆنا، دیاری دەکات.

ئەنتۆنی فاوچی، بەڕێوەبەری پەیمانگای نیشتمانیی ئەمریکی بۆ نەخۆشییە درمییەکان، رایگەیاندووە، بە جێبەجێکردنی ئەو پێنج خاڵە، مرۆڤ دەتوانێ خۆی لە تووشبون بە پەتای کۆرۆنا، بپارێزێت و رێگری لە زیاتر بڵاوبوونەوەی ئەو پەتایە دەکرێت.

پێنج بنەماکە:

- بەستانی دەمامک (ماسک) بەشێوەیەکی بەردەوام

- دوورکەوتنەوە لە شوێنە قەرەباڵغەکان

- خۆ بە دوورگرتنی لانی کەم شەش پێ (نزیکەی دوو مەتر) لە کەسانی دیکە.

- پاکڕاگرتن و بەردەوام شووشتنی دەستەکان

- دوورکەوتنەوە لە مەیخانەکان

تا ئێستا 17 ملیۆن و 144 هەزار و 713 کەس لە سەرانسەری جیهان تووشی پەتای کۆرۆنا بوون و لەو ژمارەیەشدا، 670 هەزار و 317 کەس گیانیان لەدەست داوە.






باسنيوز