له ئێران 196 تووشبووى دیكهى كۆرۆنا گیانیان لهدهست دا
ئهمڕۆ چوارشهممه 29/7/2020، د. سیما لارى، گوتەبێژی لێژنەی بەرەنگاربوونەوەی کۆرۆنا لە ئێران له پرێس كۆنفرانسێكدا باسى لهوه كرد، لە دوێنێوه تا ئەمڕۆ لە سەرانسەری ئێران 196 كهسى دیکە بەهۆی پهتای کۆرۆناوە گیانیان لەدەست داوە، كه كۆى گشتیی ئهو كهسانهى گیانیان لهدهست داوه، 16 ههزار و 343 كهسه.
گوتەبێژی لێژنەی بەرەنگاربوونەوەی کۆرۆنا لە ئێران ئهوهشى خسته ڕوو، له دوێنێوه ئهمڕۆ، دوو ههزار و 636 كهسى دیكه تووشى كۆرۆنا بوون، كه كۆى گشتیی تووشبوانى پهتاكه له ئێران 298 ههزار و 909 کەسه.
بە گوتەی ئەو بەرپرسە ئێرانییە، تا ئێستا 259 ههزار و 116 کەس لە پهتاى کۆرۆنا چاک بوونەتەوە.
باسنيوز
