له ئێران 216 كهسى دیكه بههۆى كۆرۆناوه گیانیان لهدهست دا
ئهمڕۆ یهكشهممه 26/7/2020، د. سیما لارى، گوتەبێژی لێژنەی بەرەنگاربوونەوەی کۆرۆنا لە ئێران له پرێس كۆنفرانسێكدا باسى لهوه كرد، لە دوێنێوه تا ئەمڕۆ لە سەرانسەری ئێران 216 كهسى دیکە بەهۆی پهتای کۆرۆناوە گیانیان لەدەست داوە، كه كۆى گشتیی ئهو كهسانهى گیانیان لهدهست داوه، 15 ههزار و 700 كهسه.
گوتەبێژی لێژنەی بەرەنگاربوونەوەی کۆرۆنا لە ئێران ئهوهشى خسته ڕوو، له دوێنێوه ئهمڕۆ، دوو ههزار و 333 كهسى دیكه تووشى كۆرۆنا بوون، كه كۆى گشتیی تووشبوانى پهتاكه له ئێران 291 ههزار و 172 کەسه.
بە گوتەی ئەو بەرپرسە ئێرانییە، تا ئێستا 253 ههزار و 213 کەس لە پهتاى کۆرۆنا چاک بوونەتەوە.
باسنيوز
