محەمەد سامسار سەركونسولی توركیا لە مۆسكۆ، لە لێدوانێکدا بۆ ئاژانسی (سپوتنیک) ئاماژەی بەوە داوە كە گفتوگۆكان بۆ هێنانی كاروانی دووەمی سیستەمی بەرگریی S400 لە رووسیاوە بۆ توركیا بەردەوامە.

سامسار دەڵێت: "لە هەموو روویەكەوە لەگەڵ بەرپرسانی رووسی لە گفتوگۆی باش داین و بۆ سیستەمی بەرگریی S400یش بە هەمان شێوە لەسەر هێڵین تا بتوانین بە زووترین كات لە توركیا بەكار بهێنرێت".

سەرکونسولی تورکیا لە مۆسکۆ باسی لەوەش کردووە: "ئەوان گوێ نادەنە ئەو دەنگۆ و فشارانەی دەخرێنە سەر هەردوو وڵات، بەڵكوو لە گفتوگۆ و كاركردن بەیەكەوە لەڕووی سەربازییەوە بەردەوام دەبن".

لەبارەی ئەوەی رووسیا دژی گۆڕینی ناوی ئایاسۆفیا بووە لە مۆزەخانەوە بۆ مزگەوت، سامسار دەڵێت: "ئەوە كاریگەریی ناكاتە سەر پەیوەندیی نێوان توركیا و رووسیا، چونكە بابەتی ئایاسۆفیا بابەتێكە پەیوەندیی بە كاروباری ناوەخۆی توركیاوە هەیە".










باسنيوز