بەهۆی ئەوەی كەمال كلیچدارئۆغلۆ سەرۆكی جەهەپەدا، چەند تۆمەتێكی بۆ رەجەب تەیب ئەرۆدغان هەڵبەستبوو، ئەردۆغانیش لەڕێگەی پارێزەرەكەیەوە داوای یاسایی لەسەر تۆمار كردووە، بۆیە دادگای تێهەڵچوونەوەی توركیا، سزایەیەكی توندی مادی بەسەردا سەپاندووە.

بەپێی زانیارییەکان كلیچدارئۆغلۆ لە وتارێكدا لە ٢٠١٧، ئەردۆغان و برا و زاواكەی بەوە تۆمەتبار كرد لە ٢٠١١ بڕی ١٥ ملیۆن دۆلاریان بە نایاسایی لە یەكێك لە بانكەكانی دوورگەی (مان) داناوە، كە ئەو دوورگەیە سەر بە بەریتانیایە.

هەر ئەوكات ئەردۆغان بە ٣ داوای یاسایی داوای قەرەبووی ٦٩٤ هەزار لیرەی توركی كرد، لەرێگەی پارێزەرەیەكەیەوە گوتی، تۆمەتی بۆمان هەڵبەستووە و بەڵگەكانی راست نین، بەڵام دادگای تیاهەڵچوونەوە ئەو رێژە قەرەبووەی رەت كردەوە و داواكەشی بۆ كاتێكی نادیار دواخست.

بەڵام دوێنێ سێشەممە ١٤_٧_٢٠٢٠، دادگای تیاهەڵچوونەوە سزای پێبژاردنی ١٩٧ هەزار لیرەی توركی بەسەر كلیچدارئۆغڵودا سەپاند و پێویستە ئەو پارەیە وەكوو قەرەبوو بداتەوە بە ئەردۆغان، چونكە دوای لێكۆڵینەوە دەركەوتووە ئەو تۆمەتانەی دابوویە پاڵ ئەردۆغان و برا و زاواكەی راست نین و ساختەیە.












باسنيوز