جارێکی دیکە دەنگی تەقینەوەیەکی بەهێز لە رۆژئاوای تارانی پایتەختی ئێران بیسترا.

بەگوێرەی ئاژانسی فەرمی ئێران IRIB، لەو ناوچەیەی دەنگی تەقینەوەکەی لێبیستراوە، کارەبا بڕدراوە، بەڵام هیچ زانیارییەکی دیکە ئاشکرا نەکراوە.

لە ماوەی چەند هەفتەی رابردوو، چەند تەقینەوەیەک لە لە دەوروبەری بنکەی سەربازیی، ئەتۆمی و پیشەسازی تاران روویداوە، لە دواین تەقینەوەش کە رۆژی سێشەممە روویدا، دوو کەس گیانیان لەدەستدا.

پێنجشەممەی رابردوو، تەقینەوەیەکی گەورە لە ژێرزەمینی یەکەی ناتانز کە سەنتەری پیتاندنی یۆرانیۆمە روویدا.

هەروەها لە 26ـی مانگی رابردوو و هەفتەی رابردوو، دوو تەقینەوەی دیکە روویاندا کە بووەە هۆی گیان لەدەستدانی 19 کەس.





K24-